रिचर्ड ब्रॅन्सन
जेव्हा एखाद्या व्यक्तीस काहीतरी करण्याची उत्कट इच्छा असते तेव्हा वय आणि काळ बघितलं जात नाही. आज लोक अंतराळात जाण्याचे स्वप्न पाहतात पण रिचर्ड ब्रॅन्सन यांनी ते स्वप्न पूर्ण करून दाखवले आहे. वयाच्या 70 व्या वर्षी रिचर्ड ब्रॅन्सन यांनी अंतराळात प्रवास करण्याचे स्वप्न पूर्ण केले. आपल्या संपूर्ण आयुष्यात, त्यांनी अशी भव्य कामे केली आहेत ज्यामुळे ते जग प्रसिद्ध झाले आहेत. 400 हून अधिक कंपन्याचे मालक रिचर्ड हे स्वतःच एक ब्रँड आहेत. आज आम्ही व्हर्जिन समूहाचे संस्थापक रिचर्ड ब्रॉंन्सन आयुष्यातल्या अशा काही गोष्टी तुम्हाला सांगतील ज्या तुम्ही क्वचितच ऐकल्या असतील.
 |
| Richard Branson Information in Marathi |
◆ रिचर्ड ब्रॅन्सन यांची माहिती
रिचर्ड ब्रॅन्सन यांचा जन्म 18 जुलै 1950 रोजी लंडनमध्ये झाला होता. त्यांच्या आईचे नाव एनवे फ्लिंट आहे, त्या एअर होस्टेस व बेली डान्सर होत्या. त्याचे वडील एडवर्ड जेम्स ब्रॅन्सन हे बॅरिस्टर होते. त्यांना दोन लहान बहिणी आहेत ज्यांची नावे लिंडी आणि व्हेनेसा ब्रॅन्सन आहेत. असे म्हणतात की त्यांचे आजोबा सर जॉर्ज आर्थर हार्बिन ब्रॅन्सन उच्च न्यायालयाचे न्यायाधीश व सल्लागार होते. रिचर्डच्या पत्नीचे नाव क्रिस्टन तोमासी आहे आणि त्यांना 2 मुले आहेत.
◆ रिचर्ड ब्रॅन्सन शिक्षण
ब्रॅन्सन यांनी सुरुवातीचे शिक्षण सॅकक्लिफ स्कूलमध्ये पूर्ण केले. वयाच्या सातव्या वर्षांपर्यंत ते अतिशय बुजरे होते. लिहण्या वाचण्यात अडचण येत असल्याने 16व्या वर्षी दहावीला असतानाच शाळा सोडावी लागली. शाळेच्या शेवटच्या दिवशी मुख्याध्यापकांनी ब्रॅन्सनला सांगितले की एकतर तू लक्षाधीश होशील किंवा तुरूंगात पहायला मिळशील. ब्रॅन्सनकडे लहानपणापासूनच काहीतरी नवीन करण्याचे कौशल्य होते, ज्यासाठी त्यांचे पालक नेहमीच त्यांना प्रोत्साहन देत.
◆ रिचर्ड ब्रॅन्सन तरुण उद्योजग
शाळा सोडल्या नंतर 1966 मध्ये ब्रॅन्सनने स्टुडंट नावाचे एक मासिक सुरू केले. 1966 मध्ये लॉंच झालेल्या पहिल्या आवृत्तीच्या प्रकाशनात त्यांनी 8 हजार डॉलर्स जाहिरातीतून कमावले. अशाप्रकारे व्यवसाय पुढे नेत त्यांनी आणखी बरीच मासिके काढली व त्यात ते यशस्वी झाले. नंतर त्यांनी व्हर्जिन ग्रुप सुरू केला.
◆ व्हर्जिन ग्रुपची सुरुवात
1972 मध्ये ब्रॅन्सन यांनी व्हर्जिन नावाची कंपनी सुरू केली. ज्यामध्ये त्यांनी वेगवेगळ्या प्रकारचे व्यवसाय करण्यास सुरवात केली. सुरुवातीच्या टप्प्यात, व्हर्जिन रेकॉर्डस् ही म्युझिक कँपनी सुरू केली. या कंपनीचे पाहिले ऑफिस भाडेतत्त्वावर होते. स्टुडिओमधील त्यांचा पहिला अल्बम 1973 मध्ये ट्यूबलर बेल्स मध्ये प्रसिद्ध झाला. नंतर बर्‍याच कलाकारांनी त्या स्टुडिओमध्ये संगीत व्हिडिओ बनवले आणि हळूहळू स्टुडिओ प्रसिद्ध झाला. ब्रॅन्सन यांचे हे यश 1979 मध्ये अधिक उंचीवर जाऊन त्यांची एकूण संपत्ती अंदाजे 5 दशलक्ष डॉलर्स एवढी वाढली. या यशानंतर एका व्हर्जिन ग्रुपने आतराष्ट्रीय स्थरावरील रेकॉर्ड मोडले.
1981-1987 व्हर्जिन अटलांटिक विमानसेवा:
ब्रॅन्सन यांनी 1981 मध्ये प्रथम विमानसेवा सुरू केली. जेव्हा एका कारणास्तव त्यांची उड्डाण रद्द झाल्यामुळे त्यांनी स्वतःचे चार्टर्ड विमान घेण्याचे ठरविले. सनदी विमानानंतर त्यांनी स्वत: चे एअरलाईन्स सुरू करण्याचे ठरवले. ज्यामध्ये प्रवाशांना प्रवासाच्या बदल्यात कमी पैशांत तिकिटे दिली जात. 1982 मध्ये व्हर्जिन कंपनीने नाइटक्लब हेव्हन विकत घेतले व त्याचे स्वामित्व प्राप्त केले. त्यानंतर, 1984 मध्ये व्हर्जिन ग्रुप कंपनीने व्हर्जिन अटलांटिक आणि व्हर्जिन कार्गोची स्थापना केली, त्यानंतर 1985 मध्ये व्हर्जिन हॉलिडेज नावाची कंपनी सुरू केली.
व्हर्जिन एक्सप्रेस:
सण 1992 नंतर युरोपियन शॉर्ट-हॉल एअरलाइन्स युरो बेल्जियन एअरलाइन्स ब्रॅन्सन यांनी आपल्या ताब्यात घेतली, ज्याचे नंतर व्हर्जिन एक्सप्रेस असे नामकरण करण्यात आले. इंटरसिटी क्रॉस कंट्री आणि इंटरसिटी पश्चिम किनारपट्टीवर व्हर्जिन रेल संपूर्ण शहरात रेल्वे सेवा देत. या व्यवसायातून त्यानां खूप चांगला नफा झाला.
अंतराळ प्रवास आणि व्हर्जिन गॅलॅक्टिक:
ब्रॅन्सन यांना नवनवीन आव्हान पेलायला, साहसी गोष्टी करायला आवडतं. अब्जाधीश झाल्यानंतर ब्रॅन्सन यांचे सर्वात मोठे स्वप्न होते की ते अंतराळात जाणे. ते स्वप्न प्रत्येक्षात उतरवण्यासाठी त्यांनी 2004 साली अंतराळ पर्यटन यात्रा - व्हर्जिन गॅलॅक्टिक कंपनीची स्थापना केली. या कंपनीने बर्‍याच नवनवीन प्रयोग करत अनेक स्पेसशिप देखील बनवल्या, ज्यामुळे त्यांचे नाव जगभर प्रसिद्ध झाले. त्यांना आपल्या दोन मुलांसह अंतराळात प्रवास करण्याची इच्छा होती. ते स्वप्न प्रत्येक्षात आणण्यासाठी 20 वर्षांहून अधिक कालावधी लागला आणि अखेर गेल्या रविवारी त्यांनी वयाच्या 70 व्या वर्षी अंतराळ प्रवास करून एक नवीन विक्रम प्रस्थापित केला.
व्हर्जिन ग्रुपचे अन्य व्यवसाय:
या सर्वा व्यतिरिक्त ब्रेनसनने 1999 व्हर्जिन मोबाइल कंपनी, यूके केबल टीव्ही ब्रॉडबँड आणि टेलिफोन कंपनी एनटीएल टेलिव्हस्ट इत्यादीसारख्या काही इतर कंपन्यांची निर्मिती देखील केली.
2006 मध्ये, ब्रॅन्सनने व्हर्जिन कॉमिक्स आणि व्हर्जिन अ‍ॅनिमेशन ही एक मनोरंजन कंपनी देखील तयार केली.
2006 मध्ये, त्यांनी व्हर्जिन हेल्थ बँकची सुरुवात केली, ज्यात रक्तदान आणि लोकांपर्यंत सेवा पोहचवण्याचे कार्य करते.
अशा प्रकारे, रिचर्ड ब्रॅन्सनकडे आतापर्यंत 400 हून अधिक कंपन्या आहेत. याशिवाय त्यांच्याकडे बर्‍याच हॉटेल्स, हॉस्पिटल्स आणि सेवाभावी संस्था देखील आहेत.
रिचर्ड ब्रॅन्सन यांची एकूण संपत्ती 4.9 अब्ज डॉलर्स एवढी आहे.
